"أنا راعى بقر وحيد" منمنمات غجرية لخالد كساب

صدر عن دار الشروق للكاتب خالد كساب كتاب بعنوان "أنا راعى بقر وحيد" وفى عنوان جانبى "منمنمات غجرية".

قسم كساب الكتاب إلى 3 أقسام الأول تحت عنوان "أنا" وضم 26 مقطعا يقول فى إحدها:
حزين قوى بقالك كتير
وكل مادا
تحزن زيادة
بس ما انتاش عارف
حزين قوى
كده ليه
وحاجات كتير
كل يوم بتحصل
طبيعى جدا
تخلى أجمد قلب
خايف
مالك
ما انتاش خايف ليه؟
وأعطى كساب للقسم الثانى عنوان " البنات" يقول فى أوله :
البنات لغز يحله اللى يستاهله

وضمت مقطعا آخر يقول فيه :
ورق وقلم وقهوة وشاى
وسجاير ومزيكا
ووحدة وعزلة
يالا
لم يا قلبى حاجاتك
فى شنطة ذكرياتك
حنكمل الرحلة
وفى القسم الثالث الذى أعطاه كساب عنوان " السكريبت " ضم فيه 37 منمنمة يقول فى أحدها :
فى لعبة الحياة
لما حاجة تزعلك
أرجوك ما تكتبئش
هى اللعبة كده
مافيهاش حلول وسط
يا تتلعب
يا ماتتلعبش.