أحلام على قد إللى يشيلها
مبدوره فى دروبها ونيلها
ولكل أحلام مخلوق جيلها
وأدى جيل أحلامنا المستنظر
لا ليه لون .... ولا ليه منظر
مش قادر غير...غير يتمنظر
وياريته بيتمنظر على شئ
جيل ورا جيل بيضل طريق
ونسيم الحلم...
مبقاش قادر على بل الريق
والصدر يضيق
والجيل القاعد ع القهوه
يصرخ ويقول والله برئ
أجدادنا سابولنا أحلام هشه
ورمولنا فى وسط البحر القشه
وإلى بيتعلق بالقشه...
مسيره غريق
وأحنا الغرقان
طيب يا زمان
من إمتى البحر بأمواجه
بيصبح سجان
من إمتى صحيت وبتسألنى
أنا مين ومنين؟
إحنا يا جدى الجيل الجاى
من بكره الجاى بنقول إزاى
كل أحلامنا ها تصبح بيكم
غنوه حزينه وجنبها ناى
فضى يا جدى الغالى الشاى
وإشرب على روح الجيل الجاى
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة