«وصلة عتاب هاتفى» بين النجمين

مخطئ من يعتقد أن توقيع جمال حمزة لاعب الجونة الحالى والزمالك السابق، للنادى الأهلى لينضم لصفوفه مع بداية الموسم الجديد لمدة قد مر مرور الكرام على المسئولين داخل الزمالك رغم الأنباء الصادرة من داخله، أن الفريق ليس فى احتياج لحمزة داخل صفوفه..

فالواقع عكس ذلك تماماً، فقد لقى الخبر ردود أفعال واسعة داخل النادى خشية تألق اللاعب مع الأهلى ووقتها ستوجه أصابع الاتهام لمجلس الإدارة لاسيما أن الجميع يعلم تجاهل الزمالك التفاوض معه لعودته لصفوف الفريق وقبل انضمامه للجونة فى فترة الانتقالات الشتوية.

ولعل ما يؤكد صدمة مسئولى الزمالك وخوفهم من انضمام حمزة للأهلى هذا الحوار الهاتفى الذى دار بين حازم إمام وجمال حمزة عقب الإعلان الرسمى عن انضمامه للأهلى والذى تنفرد «اليوم السابع» بنشر تفاصيله كاملة.. حازم إمام: ألو إزيك يا جيمى عامل إيه.
جمال حمزة: زومة (وهو اللقب الذى اعتاد جمال أن ينادى به حازم وقت أن كانا زميلين بالزمالك) أخبارك إيه?
حازم إمام: إيه يا جمال الكلام اللى سمعته ده.. إنت وقعت للأهلى بجد؟
جمال حمزة: أيوه يا حازم وقعت ثلاث سنوات وخدت كمان مقدم العقد.
حازم إمام: طب وليه يا جمال ما قلتليش قبل ما تعمل كده؟
جمال حمزة بلهجة حادة: طب وانت مالك يا حازم وده هيفيدك فى إيه، أقولك أو ما أقلكش ولا أروح الترسانة أو المحلة حتى!

حازم إمام: ما كنت بكلمك كتير يا جمال فى اليومين اللى فاتوا ومفتحتش معايا الموضوع.
جمال حمزة: هو انت أصلاً كلمتنى فى حاجة يا حازم علشان أعرفك ولا ما أعرفكش وبعدين إنتو أصلاً مش عايزينى ولا علشان رحت الأهلى، ما أنا كنت قدامكم ومحدش فيكم كلمنى فى حاجة، حتى لما رحت الجونة ماحدش فيكم سأل عنى.

حازم إمام: على العموم يا جمال ربنا يوفقك فى اللى انت اختارته وياريت يكون اختيارك صح.
جمال حمزة: إن شاء الله هيكون صح يا حازم وابقى طمنى عليك.
حازم إمام: ماشى يا جيمى مع السلامة.
جمال حمزة: مع السلامة يا كابتن.