سوزان تادرس تكتب: يا مبارك

بحبك مش عارفة حب مثل أعلى ولا لله فى لله

علمنى والدى أحب القدوة وأحب الكل فى الله

بحبك مش عارفة حب أبوى ولا حب بإحساس

بشوفك بفخر زينة بلدى وبمشورتك مرفوعين الراس

تقاطيع فرعون وصوت أبو الهول يزأر بهدوء وإخلاص

أنا ابن البلد دى وابن النيل وفى بطولاتى الجوية اكتب يا قصاص

بحبك وانت حاسس بالشعب وتقول خفوا عليه

دا غلبان ودا مطحون سيبو الأمل يبات فى عينيه

بحبك يا ريس زى أنا ما بحب بلدى

لا حبى ليها بيخلص ولا له تفسير عندى

بحبك وأحب العيلة كلها

وردة مصر والأستاذ علاء والأستاذ جمال ابنها

يارب ديمهم عليك وديمك كمان علينا

لا جراح ولا مرارة و بالفرح ترجع لينا

من بنتك اللى داقت الغربة وداقت مرار لياليها

لأب صان البلد دى وبحكمه حافظ عليها

أقول لك يا مصر يابلدى بفخر انتمى ليكى

يديمك شابه وصبيه وبنصر مبارك يعود ليك