بشوف ابن وبنت بلدى متحيرين
اللى لبسة بنطلون مسقــّــط ورجلين ضيقين
وضربه بضى مشدود على الصدر والنهود متهورين
وطرحة مخبية الشعر.. آل من عورة مستورين
اللبس ده ملهوش دعوى بمسيحى ومسلمين
كل حاجة شغالة وبيقولوا مبسوطين
وشاب ضارب ﭼــل على شعره وحواجبه منتوفين
وبنطلون مسقــّــط.. تحته بوكسر من وساخته.. ألوانه مش واضحين
الحب عندهم وصفه صاحبى وصاحبتى النهارده مع بعض وبكره متخاصمين
علشان شافها وشافته مع أصحاب تانية مختلطين
وضربين ورقة عرفى بيبدلوها آل إيه متجوزين
آل دى حُريه.. وفكر جديد مش بلّه وطين
كل أفكارهم وحواراتهم على الفيس بوك جامد وجامدة موت القبلة والحضن متروشنين
إن سألت حد فيهم مين ديليسبس أو طه حسين مش عارفين
مع إن من جامعة وكلية متخرجين
وإغانى يسمعوها ويرقصوا عليها متعرفشى هى رومانسية ولا أهازيج شياطين
وبيشيتوا مع بعض على النت الآخر يطلعوا
إخوة من بطن واحدة وأب مجهولين
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة