بقالى عشرين سنة
أكتب وأقول لسه...
فى وصف حبك أنا
ما قلت غير همسه
ومن ملامحك أنا
مش لاقى ولا رسمة
ولا كنت يوم بعشقك
ولا عمرى فيكى بدوب
ولا كان فراقك نار
ولاعنه مش راح أتوب
بصيت لقيت نفسى
خارج من الصورة
وضِحت معالم لك
عالية ومنصورة
قلبت فؤادى هيام
بعد اللى كان منه
فضلت أنشد وصال
ومليش غنا عنه
وسط احتلالك كيانى
راضى ومش مغصوب
وكل يوم تأسرينى
وأفرح وأنا المغلوب
لفيت بلاد وبلاد
ملقيتش غير نيلك
يروى العطش فى البعاد
يندهلى وأجيلك
يكفى ان حبك غلب
اللى طغى فيك
اللى افتكر ينهبك
وبينسى يديك
وبرضه تبكى عليه
والحزن كــــاويك
لا هو منك ولا أنتى
حاجة فى إيديك
غير أن تدعى
تــقـــــــــولى ...
ربــــــــنا عالم
إبنى البعيد مظلوم
وابنى القريب ظالم
وانا جيت يا أجمل أم
أهديكى طرحه وشال
عيشى لآخر العمر
وانا أبطل الترحال
وارجع لحضنك بقه
وأهمس كمان همسه
وأرسم ملامح لقا
فى العشق من لمسه
وكل عام تفضلى
غالية وعالية لفوق
عندك حضارة وكرم
أم الفنون والذوق
مشاركة
اضف تعليقاً واقرأ تعليقات القراء
مشاركة
