بهاء الدين حسن يكتب: طرطـــور أحـمـر

لبست لى طرطـــور أحمر
دهنت وشــى بالألـــــوان!!
زمــرت زمــــارة اتلـمـت
بلدنــا رجالــة ونســـوان!!
لا أنا أراجوز ولا شقلوباظ
الدنيــا إللى حالها بــــاظ!!
قلت نعدلها قالـــولى
مــا أنتــــــاش نبـــى !!
شوفلك أتــــــوبيس
اســــرح بعيـــــــــد
ويــلاش ألـغـــــــاز؟!
بلدنا من يومها كده
جـــــــاى تعـدلــهــا
قــــول غير كـــــده؟!
كام زعيم جـــه وراح
وهى كده سداح مداح
خيرها الأجانب ياكلــــوه!!
غير إللى حكامها سرقوه!!
صباعها للغريب شمعـــه!!
أولادها فى العتمة تتــوه!!
الغــريـب والقــريب
سـوس بينخر فيهـا!!
من راسـها لرجليها
إلحــق قبــل عاليها
ما يـــاجى واطيـــها
خــــدلــــك قــــــالب
من مبـــــانيـــــــها!!
بكــــره تــبـــيـــــعه
زى مـــا بـــاعـــــوا
واشتــــروا فيـــها !!
***
بقى هـى ديــا مصـر ؟!
بقى دوله ولاد مصر ؟!
مصر القامــة العاليـة
اللى تـاريخهـــا نصر
تقبــــل ترجــــع ورا
وكانت سابقه العصر؟!
.............................
ميــن قـــــال إنـــــها
لجـــل تسابق القــوم
محتاجه ليد رســـول
يفردهــــا ويمدهــــــا؟!
عصر النبـــوة خلاص
والمعجـــزات إنتــهى !!
وعشان مصر تقـــوم
تقلــع تــوب الفـوضى
تلبس تـوب الأصـــول
وصوتها زى ماكــــان
يرجـــع زى زمـــــــان
بين الأمــــم يصـــــول
بين الأمــــم يجــــــول
والعدل يصبح منهجها
تزرع وتاكـــل إنتاجها
***
يا مصر إصحى وصحى الخلق
من الصعيــــد لبــــاب الخلـــــق
يا مصر حـالك ما عاجبنى!!
بتقـطـفى كنـتى وتجـنى!!
دلـوقتى بتهـدى المبنى!!
لبست لى طرطــــــور أحمر
دهنت وشـــــى بالألــــــوان
زمـــــرت زمـــــاره اتلمــت
بلدنـــــــا رجالـــة ونسوان
لا أنا أراجوز ولا شقلـــوباظ
بينــــا نعـــــدل إللى بـــــاظ