نصر الدين محمود سالم يكتب: مجرد فرحة

لما تحس إنك مرتاح
مهما تكون بتعيش فى جراح
كفاية تبقى اللحظة براح
وتبقى ساعات بيعشها خيالك
إيه إحساسك
لما تحس إن انت
دليل لكتير عشاق
وتبقى بتحكى عن الأشواق
واللى بيشكى واللى بيبكى
يرفع إيده لو كان مشتاق
وانته بتشرح تسرح تفرح
شفت حبيبك بينهم جالك
إيه إحساسك
لما تحس حبيبك
عايز يسأل أى سؤال
وهو بيضحك
قام وبيسأل
هوا صحيح العشق حلال؟؟
وانته حنينك جوه عينيه
وبتسرح تانى
وهو بيفهم إيه ال فى بالك
إيه إحساسك
لما الهمسة تكون بحنان
ولما تحس اللمسه أمان
ولما تكون الضحكة جنان
وتبقى حياته تهون علشانك
إيه إحساسك
لما بتضحك يضحك حاله
وتبقى بتشغل دايما باله
وعارف قلبك إيه بيجراله
وقبل ما يسأل
عارف إيه هيقولو جوابك
إيه إحساسك
ولما تبعد عنه تشوفه حزين
ويبان فى عينيه
وتبقى الدنيا بكل ما فيها
بكل ما فيها ألم حواليه
عارف ليه؟؟
شاف الدنيا نغم فى عينيك
شاف الخوف فى غيابه عليك
شاف فى إيديك وكمان فى سلامك
إيه إحساسك
عارف ليه؟؟
لما بيآسى عليك وتسامحه
وانته كمان بطيب جرحه
وتفرح فرحه
لما يخبى الحب فى قلبه
وانته تصارحه
وتبقى فى دمه محدش همه
وتبقى الدنيا أمان فى لؤاك
وأخد العهد يكون وياك
أخد العهد يدوب فى هواك
وكله مناه بيعيش علشانك
إيه إحساسك
يضحك ليك
ويفرح بيك
ويسرح فيك
ويعيش أحلامك
إيه إحساسك