فضفض وبوح.....واوعى صوتك جوه منك يتخنق
احلم واعيش......اوعى حلمك مره منك يتسرق
حب الحيـــــاه.....واوصل بحلمك فى الحياه لمنتهاه
امسك فى حلمك شوفوه فين كمّل معاه
واياك تخاف
خليك جرئ
وان شوفت قول انا قلبى شاف
وارمى الهموم من ع الكتاف
واوعى فى يوم اليأس يسكنلك طريق
اصل التفاؤل والامل افضل صديق
وان طالت العتمه اكيد الضى جاي
خلوا الامل جوه القلوب تملى حي
واياك فى يوم تطاطى راسك تنحني
خلوا الكرامه تملا القلوب تتغني
لو ضاعت العزه فى نفسك
صعب تانى تتبني
دا اللى يفرط يوم فى حقه
يبقى حقه يتشنق
فضفض وبوح....واواعى صوتك جوه منك يتخنق
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة