لدواعى أمنيه كل واحد يلزم بيته
الكبير شرف هنا من بعد تصويته
بخطاب سلام جالنا علشان يذيع صيته
فرشوا عشانه البلد بالورد والرمله
نسفو الحقايق يوم عشان تنجح اللمه
وسلام سلام يا عرب حضوركم القمه
فرحو العرب بالقول ومدحه فيه ياما
روح الله يباركلك وتوصل بالسلامه
ويامسافر أمريكا خد وياك حمامه
عدت شهور وايام وقالولو ياكبيرنا
بعد الكلام إياه والخدعه لأصحابنا
جايزة نوبل جاتلك تقدير من إخواتنا
كل اللى خدنا كلام وهو خد جايزه
وآدى وضع السلام فى النجف وفى غزة
وآدى قدرنا ياناس أوطان بلا عزه
وآخر خبر جالى فشل السلام تانى
خبر قديم بسمعه من وقت للتانى
وسالتهم على الجايزه قام واحد عزانى
مفهمتش إيه المقصود وسكت كالعاده
اخينا خاف على جايزته فتح ملف زياده
سماه برده السلام لكن ده على الموضه
