أحمر بلون الدم
نفدى الوطن لو يرمى
ما بالك أن يوم ضم
فى عز وقت الفرقة
وقت الجراح نتلم
أبيض بياض صافى
قلبك يبات مليان
يصبح يقول.. مافى
فى عز وقت البرد
قلب الوطن.. دافى
أسود سواد الليل
ع اللى يهين ناسنا
واللى يحب النيل
يتشال على راسنا
النسر دا نسرنا
طاير فى قلب العلم
وعلمنا دا مش بس
مرسوم فى كراسنا
مزروع على كل بيت
زى الخضار فى الغيط
زى النهار والشمس
زى السما وقمرها
وزى السندباد...
فى كافة الحواديت
أحمر.. أبيض وإسود
مين قال ألوان وبس
دى رموز وطن بتسند
قلوبنا لو بالهمس
ودا نسر عالى لفوق
واعلى كمان م الشمس
كل اللى عاشق مصر
بمعنى العلم بيحس
ارفع راسك لفوق
كل العيون بتبص
كل العيون بتبص
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة