فيسبوك
واتساب
مش كل الأيام زى بعض
فى أيام خيرها كتير
وفى أيام خيرها ع القد
فى أيام كلها هنا وهزار
وأيام متعرفش غير الجد
أيام بتسلم فيها على كل الناس بسعادة
وأيام مفقود فيها الود
أيام تقول لحبيبتك كل ثانية بحبك
وأيام تقضيها عند فى عند
أيام تحب فيها ليل ونهار
وتكتب أحلى الأشعار
وأيام تحس أنها ماشية بالعكس
وأنك عايم ضد التيار
ما تعرف فيها فرق بين حزن الليل
وحزن النهار
آه لو تعرف بكره فيه إيه
كنت ضحكت من قلبك
كنت ما شلت هم عمرك
ولا شلت فى صدرك أسرار
افرح يا صاحبى وعيش
الأيام كده أو كده ح تمر
بفرحة كانت ولا ب مر
يبقى افرح وعيش
واسهر كمان كمان للفجر
