عـلي قاسم يكتب: الحـدق يفـهــم

ماحـناش هـمج ولا عـمرنـا كنـّا وانـجـلـتـرا عـجــــزت تحـوِّلـنا
ولا جـاملـنا وشـــقـلـبـنا لـسـانّا لـغـة القـــرآن بـسّ احـتـرمـنا
نابـليـون عـنـدنـا خــد بالجــزمة
ثـورة الأحــرار ماهيش انـقـلاب ثورة خصوصى لكرش الأغـراب
مافيش مصرى أصيل عمل إرهاب ولا دبح خواتو ولـُه كشف حساب
ولا حـدّ عـمل ع الكـرسـى أزمة
ماشِلناش السادات شيلة فرحات ولا اغـتـالنا كـبير زى عـرفات
ولا ســـمحـنا بانتـهاك الحـرمات ولا كـدبـنـا ع الناس بالروايـات
ولا عـمرناش فـرفـطـنا الحزمـة
لا رُحــنـا لـنـدن وقـلــِّـدنـاهـــــم ولا خـشـّــيـنا المعـابد ويّــاهم
مش عـيـون ليهـم ولا لسـواهـم ولا عـمرنـاش بـرطعـنا وراهـم
ولا صرنا هايفـين مالناش لزمة
حـضارة المصريين من فرعـون مـن قـبل الروراويّـة ما تـكون
ماحـناش صور لجـون بالكربون ماقلناش سورى ياللى قلتم بردون
عـشـــان أخـد فرنكـــات بالرزمة
والقاهـرة بانيها جوهرالصـقلـِّى بإيـديـن بـنـّا وفـــــلاح تـملـّى
بانيـيـن الآثـار فى بحرى وقبلى مـين بانى الهـرم ياللى ترللـّى
مصـر عانت لكـن مش منهـزمة

* المكس ـ اسكندرية