مش طايل...؟!
طول النهار اسحب
يطلع هوا برده اسحب
مش طايل...؟!
وجعك بعيد
بعيد لجوه
ورا قلب قلبك
خانى خلى
قعدت بكت عينى
مـ الهدة نفسى
كان قرب خلاص ... ينقطع
مفيش بإيدى غير تحت جفنك... أطبطب
فـ المر قلبى أخو قلبك
حتى شوفى... شبيكه وخروم خروم
زيك تمام
قلبى كله... رقع!!
بس ندرن عليا
من بعد النومة فـ ضل قلبك شوية
لادور بلاد عنيكى وأدور
تاخدينى غربه... يروينى ترحال
هاعملنى جنى
إن جيتى تأنى
خادم ... ولحزنك شيال
بطرف كمى... ألمع بياض عنيك
وسمار الننى
أعود وعلى قلبك أرسى
مراضينا بكره
دورين يحايلك
ودور يحايلنى
وإن فى غيابى أشطر
بقوالب الوجع
هز ورمى سماكى
من تانى أجرى وراه
أعارك فيه ويعاركنى
وأحلف داره ما يبات جواه
هوانا أن كان يعيش بالكسره
مش عايز دى العيشة
ولا أيامى تلزمنى
ده أنا آكل
حصى أرض
وأسف تراب سكك
ولا أن يعمر جواك
الوجع ويبنى
وفوتينى كف الزمن
بسنانى أمزع
سبينى
عل الوش ياما كفه كفانا
مرر شاى العصارى
شاى الحبايب يا نارى
أسمر قلبه علينا واتقطع
سيبينى ساعتها بس فى التو يموت
ووراه تموت عياله
لايطولنا لليل ولا بكره
نفوت بيوت الدنيا
ورا أى قميره
بإيدى أبنيلك عشتين وعشة
بينهم خيل سما بجناحين
وزمن قصير وقديم خالص
ويوم ونهار ولليلين
فيه تغنى ويطول فرحك
فيه يا عمرى
أى حلو ربانى
هناك يمشى القمر على مشيك
تصلى أنا ف أيدك وجنبك
عشاق السما يصلوا فـ هواكى
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة