عمر مرسى يكتب..العالم المصرى الجليل دكتور أحمد زويل

فخر ومجد ورفعـــــــة راس قدم علمـــــــــــــه لكل الناس
عاشق مصر وحب ترابهـــــا قلبه كبير مليـــــان إحساس
مصر وكــــــــــل العالم يفخر نـــــــجم زويل ساطع وبيكبر
هادى ف طبعـه ومش متكبر فات عالصعب برجلـه وداس
حلمه كبير عايش من أجلـــه سخر علمه لناسه وأهلــــــه
والعالم كله بيشهد لــــــــــــه باب العلم وتـــــــــاج الراس
بينور مصر اما يجيلهــــــــــا وبيشرب من مية نيلهــــــــا
بالليل والصبح بيدعيلهــــــــا فيهــــــــا العلم يكون نبراس
عاوز مصر تكون فى القمــه بالعلم وتكريس الهمــــــــــه
والكل يكون بارى الذمــــــــه ويكون العلم المقيــــــــــاس
بالأخلاق والعلم بلادنـــــــــــا تعلى وتوصل فوق المدنـــه
ونخلى ولادنا وأحفادنـــــــــا مــــــصريين رافعين الراس
كل الحب ودعوة قلــــــــــــب مالشعب المصرى اللى يحب
يحميك وتفوت فوق الصــعب تكبيره ودقوا الأجــــــــراس