ساده وفيه منقوش
أبيض ومنه ألوان
جواه فرح وأحزان
متصان وفيه متهان
ومنه نوع بيبيع
أكمن صاحبه وضيع
وكمان فيه منه وديع
إنسان وقلبه ربيع
فيه منه نوع خواف
شايف كأنه ماشاف
عايش بدون إحساس
ومخلى خده مداس
على كل لون يا وشوش
ووش متحسوش
ووش تانى بشوش
تتمنى متسبهوش
ووش زى الديب
يرسملك إنه قريب
وفجأة سهمه يصيب
دا غريب وأمره مريب
ووش مهما يغيب
تحس إنه قريب
ف القلب حبة يزيد
ووش نظرة إليه
تلقى الجمال فى عينيه
تفضل تفكر فيه
تتمنى لمس إيديه
والحب يكبر بيه
وعلى كل لون يا وشوش
على كل لون يا وشوش
مشاركة
اضف تعليقاً واقرأ تعليقات القراء
مشاركة
