فيسبوك
واتساب
وفى أنجولا لا السودان عزفوا ولادنا لحن جنـــان
أذاقوا الخضر كأس الذل أشرب وانسى أم درمـــان
لاتقولى عنتر ولا عبلة لا تقولى شاوشى ولا زيـــان
ورابح أفند ى طلع خاسرو لا كانش أبدا يوم ســـعدان
وأبو لزقة زرقة خلع كتفه أربع أجوان خلــوه توهان
ولما بص فى عين حسنى قال يالهوى أسد عطشــان
وأبو روراوة شايل طاجن داير بيه يا ناس حيــــران
قال يا هووه أنا مش قـــادر اتخنقــت من الدخــان
هى ناقصة كمان جدو حـــــرام عليكو دا أنا غلبان
مرة يرقص ويدلع كده بصراحة أنا زعـــــــلان
الرحمة حلوة يا معلم أنا خلاص جــــــالى سيلان
جيبتو الثانى والثالث الواد حليش بقى حرنــــــان
وشاوشى يا عينى فقد عـقله يا ناس خلاص أنا زهقان
يرفس فى جدو ويشلت أشد شعرى حرام دا جنــان
حط لزقة فى رقبته وقال يا زيزو أنا خــــــرمان
كسر رقبتى بتصويبته حرام عليـــــك يا عم زيدان
وعبد الشافى لوح وسطى من أول لمسة نازل شــرقان
أحسن ألطم وأصوت وأصرخ فى فرقة بقـــت نسوان
رحت مخلص على جدو سيبت الملعب وأنا حزنـــان
الفرقة لفت على الفاضى والكل قال أنا تعبــــــان
عبدون مطمور ونذير زيانى يا بلـــــــــح زيان
سى حسنى فايق ومروق حط بلنتى أحلى نشــــان
والصقر راسى ومصحصح سرعة تساوى ألف حــصان
متعب جمعة والحضرى فتح الله غالى اسقينى كمـــان
رجالة يا ولاد رجالة وسلمولى على الجدعــــــان
جهازكو واعى ومطاطا مش فرن واحد تلت أفــــران
الأصل غالب على المصرى ما بنفرقش بين الألـــوان
المصر ى مسلم ومسيحى قلب واحد مهما كــــــان
المصرى عصرى فى أخلاقه ليل ونهار فى كـــل أوان
أخلاقنا راية خفاقة صلاتنا دايمـــــــــا كل أذان
تشوفه ساجد فى الملعب شاكر لرب كريـــــم منان
حقق فوزه بجدارة قطع لسان رابح ســــــــعدان
نيجيرى غانى وكاميرونى إيفوارى صبح والله زمــان
واسأل جيرمى على خيبته وقوله عيب يا عم جبـــان
خدلك تلاته يا معلم وسيب سونج عايش قرفـــــان
والتالتة تابته يا معلم مصر الخير جيبك عمـــــران
أنا قلت كل إللى فى نفس ى إدينى عقلك أنا فرحـــان
يارب كلل مجهودهم ما تحرمنيش أنا طمعــــــان
يارب كمل فرحتهم خلى طريقهم كله أمــــــــان
