فاتن شوقى على تكتب .. ومبروك يا مصر

شوارع بلادى الجميلة بتهتف
( لجدو .. و مِتعب .. و أحمد حسن )
تبعتر بصوتها طيوف المحبة
تناجى الأحبة : أداؤكم حَسَنْ
و كاس جاية تجرى بتحض خيالهم
تنادى تنادى ...... بشوق للأيادى
لدفء السكن
وتكبر آمالهم
تزيد الخطاوى صعوبة و حمولة
و تلقى ف عيونهم ... عزيمة و رجولة
تِفَتّحْ زهور حلم تالت بطولة
بفرحة و شجن
وغانا تغادر بطولة الملاعب
بدمع و حًزَنْ

(شحاتة المعلم )
بيرسم لنفسه ...هزيمة لمٌنَــافْسُه
فى لوحة و مدارها .. مهارة و أدارها
بحِنكة ونهارها
هزم ليلها عدى.. جميع المحن
يا محلا أداءنا .. سجود بيعانقنا
كسبحة تسبح بنورها العباد
و بركة تُعم القلوب بالوداد
فريق يجرى مًجًرِى
ضياءك يا( حضري)
يِشع بشِباكنا
يا سد العروبة المنيع الشنيع اللى حٌبك شَبًكنا
بأغلى المهور..و أروع تمن
و تفتح بيبان التاريخ العصية
وأقولها بفخر و بطولة.. وغِية
بكورة ملاعب أمم أفريقيا
...كمان ع التوالى
يا فرحة أهالي.. بلادنا الجميلة
يا سِيْنا . يا جيزة ...يا أسوان .. يا دلتا
دا.. كاس مرة تالتة.. ف تاريخ الزمن
يا فرحة و كاسية بلادى .. ولادى
و كل البدن
و مبروك يا مصر المعلم شحاتة
يا أجمل..( حَسَنْ)