سيد أحمد الهمشرى يكتب: جنازة المجلسين

فى جنازة المجلسيــــــــن كان العزا واجــــــــب
وسهرت أغالب فى دمعى ودمعى بيغالـــــــــــب
وصبحت أعزى الوطـــن وأمسح دموع النــــاس
ومشيت مع المقهوريـــــن مع بعض نتعاتـــــــــب
......
سألونى مين يا تــــــــــرى الجانى والقاتـــــــــــــل
الشعب هوا السبـــــــــــب ولا النظام فاشـــــــــــل
ولا الطمع والجشـــــــــــع سيطر على الحكــــــام
وخلى كل الحيتــــــــــــان على كرسى تتقاتــــــــل
......
لو كانوا دول السبـــــــــب طب فين دور الشرطة
اللى لولاد البلـــــــــــــــــد بتهيج على غلطــــــــه
وشيخ عموم البلــــــــــــــد كان مستخبى فيــــــن؟
اللى دبح للغلابة كل يوم قطــــــــــــــــه
......
قالوا لى شيخ البلـــــــــــــــد والس مع العمــــــــــده
باعوا ضميرهم وباعـــــوا العدل من مــــــــــــــده
وقالوا سوق النخاســـــــــه من زمان مفتــــــــــوح
وكرامة الناس بقــــــــــــت فى مخازن الخــــــرده
......
زادت همومــــــــــى وزاد الحزن على قلبــــــــــى
وناويت وانا فى العـــــــــزا احلق كمان شنبـــــــــى
لما لقيت الشبــــــــــــــــاب ماشى لابس طراطيــــر
وشيوخ كتير فى البلـــــــــد عارفه وبتخبــــــــــــــى
......
بيقولوا لسه كمـــــــــــــــان فى السكه جى قتيــــــــل
هايمثلوا بجثتـــــــــــــــــــه شله من المخابيــــــــــــل
يانلم أهل البلــــــــــــــــــــد ونقف نحوش عنــــــــــه
ياكل شاب وولــــــــــــــــد يعمل لنفسه ديــــــــــــــل