مبروك يا حزب وأوعى تكون ناسى....نجحت إزاى...وأبقى أقعد لوحدك ع
الكراسى ...ف البرلمان الجاى...مش كنت تقول من زمان ... وتكسب فينا ثواب...
إن دخول البرلمان ... ما بيجيش بالانتخاب....مبروك عليك الكارنيه...ومبروك
كمان الحصانة يا بيه...وفوزك وطردك لكل الأحزاب... وقعادك لوحدك زى
العزاب...ومبروك كمان فوزك ف المطاردة...واستغلال نفوذك ف القضاء
ع المعارضة...مبروك عليك... قرارات العلاج ...والنيابة إللى بقت ليك ....
وتأشيرات الحجاج...مبروك ع النتيجة ...وما تفرحش أوى بيها ...
عشان دى حاجه أكيده ... الانتخابات ما كنتش نزيهة... خلصت الانتخابات ...
...والكل عارف نفسه .... والشعب من سكات ... قاعد بياكل ف نفسه ....
ما تقولش فوزك ع المعارضة ... فوز محصلش .... بنفوذك كورك
ف العارضة... وبرضه كسبت الماتش .
مشاركة
اضف تعليقاً واقرأ تعليقات القراء
مشاركة
