حسام محمد كامل يكتب: مصر فى أفلام زمان

الإثنين، 27 ديسمبر 2010 08:34 ص
حسام محمد كامل يكتب: مصر فى أفلام زمان

مشاركة

اضف تعليقاً واقرأ تعليقات القراء
شوف مصر فى أفلام زمان
روقان وراحة بال وهدوء ووسعان
ورجالة ببدل شيك وستات غصن بان
وكلام لطيف وأدب فى المعاملة كمان
قصص فيها العبر تأليف بديع وريحان
ويوسف بيك وهبى كان راجل جنتلمان
وسُمعة بضحكته تسعد الشقيان
وفريد ومليجى وخناقة فى سوق ولا ميدان
وتحية كاريوكا مع شكرى سرحان
فى شباب امرأة كان طالب غلبان
وقناوى وهنومة بين القطر والقضبان
ومنعم وفؤاد وأفكارهم الجنان
ورمزى ويوسف وعوض دى شقاوة الشبان
كتير كتير وغيرهم عدى عليهم زمان
أفلام كتير شفناها وبنشوفها لسة كمان
دى أفلام زمان معيار لحالة وإنسان
عاش بطيبة وكرم وحب وإحسان
ضاعت بين البشر فى بحر النسيان





مشاركة






الرجوع الى أعلى الصفحة