فيسبوك
واتساب
آه منك يا صنايعى بلدى... نفسى أعرف أيه قصتك .... خلصت فلوسى إللى عندى...
ويا ريت بتتقن صنعتك... أما أنت يا نجار... ف الأول بتعمل طيب... وتخلى أسعارك
نار ... والحجه هسلمك قريب ... وأفضل ف الانتظار ... وتفضل تطلب فلوس
كمان... وف يوم خدت القرار ... وقلت أروحلك ع الدكان... لقيت كام خشبة
ومنشار... وتقولى واقف ع الدهان... أتاريك خدت منى العربون ف ثوانى...
ورحت خلصت بيه حاجة زبون تانى...أما يوم ما فكرت أبيّض شقتى....
قولت مفيش غير نقاش حتتى... رحت وأتفقت هياخد كام... وأيه المطلوب
وألوان الدهان... أما باقى الحكاية فمعروفة من زمان... المواعيد مفيهاش التزام...
واسأل يقولى هجيلك أوام ....وساعات ميجيش من غير ما يقول... ويسبنى
ما يكلمنيش ... وأتصل تليفونه مقفول...وإللى سبق وأتقال ... ده على سبيل
المثال... من عمايلك يا صنايعى بلدى ... على فين رايحين ... عارف كام حاجه
عندى... عليها صنع ف الصين؟
صورة أرشيفية
