لسه يـــــا بلدى بحلف بيــــــكى
بحـلف لسه بضى عنيكـــــــــى
لسه وطول مــــــا القلب بينبض
بشكر وأحمد ربى عليكـــــــــى
لسه يـــــا بلـــدى
رغم سنين الغربـــــــة وطولها
لسه يـــــا مصر بفخر بقـــــولها
مصرى وحبك جـارى ف دمى
وانتى الحضن الـــــدافى يـا أمى
ومفيش شىء فـى الكون يغرينى
أو عــــن حـبـك راح يـــــغنينى
وأمـــا أشتاق ويفيض بى حنينى
بـارجع وألقى الشوق ف عنيكى
لسه يـــــا بلــــدى
فــاكر أيوه يـــا مصر أنا فاكر
عمرى مــا كنت لفضلك نـــــاكر
وأنكــــر إيه واللا أنكـــــر ليه
مين راح ينكـــــر فضل عنيــــه
أنكــــــر انك أرض جـــــدودى
مش معقـــــول مش معقــــــول
انك روحــــــى وسر وجـــودى
مش معقــــــول مش معقـــــول
عمرى مـا أعدى معاكى حدودى
وانتى ف غنى عــــن كل القول
ومفيش شىء فى الكون يغرينى
أو عـــــن حبك راح يغنينـــــى
وأمـا أشتاق ويفيض بى حنينى
بارجع وألقى الشوق ف عنيكى
لسه يــــا بلــــدى
عشت ف حضنك ماضى زمانى
كـــــان لى طموح وآمال وأمانى
ومــــا اتمنيتش ولــــــو لثــــوانى
غير موانيكى يكــــون لى موانى
بس مــادمت لخـــيرك بـــا سعى
برضى ببعدى وطول حـــرمانى
ويصبرنــــى ف بعـــدك عنــــى
انى مسيرى راجــــعلك تــــــانى
مـــا انتى مكـــانى وانتى زمانى
بـــــر أمـــان مخــلوق علشانى
ومفيش شىء فـى الكون يغرينى
أوعــــن حبــــك راح يغنينــــى
وأمــا أشتاق ويفيض بى حنينى
بارجع وألقى الشوق ف عنيكى
لسه يـــا بلــدى
يـاللى بيحلى كلامـى ف سيرتك
ياللى بشوف أحلامى ف صورتك
مــن غير مـا أبعد عارف قيمتك
عـــارف إنى ح اتـــوه لو سيبتك
وإن كنـــــوز الدنيـــــا بحـــــالها
مش ح تقسى القــــلب عليكـــــى
ولا ح يهـــــون البعـــــد عشانها
ولا ح تقــلل شوقـــــى إليكـــــى
دا مفيش شىء فى الكون يغرينى
أوعــــــن حبــك راح يغنينـــــى
وأمـــا أشتاق ويفيض بى حنينى
بـارجع وألقى الشوق ف عنيكى
لسه يــــا بلــــدى
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة