علاء الدين ابراهيم يكتب: ارفع علمك يا مصرى فوق أى مكان

بحبك يا مصر ومهما قالوا عليكى الحاقدين والله ما كلام روايات ولا اسطوانات ده كلام من شعب فى خيرك يا بلدى عايشين
ياما شوفت كتير مشاكل وشوفت كتير أزمات بس حبى لبلدى عايش هيفضل موجود فى قلبى وهيفضل محفور فى سجل الذكريات
أنا مصرى وأبويا مصرى وحبك شعاره حب الشعوب ومهما تكون أزماتك بحب ترابك يا بلدى ونيلك بيجرى جوه القلوب
وانت يا مصرى ليه زعلان من بلدك؟
قوم وافتخر وارفع علم بلدك
ارفع علمك يا مصرى فوق أى مكان مصر دى أم الدنيا وراية للأمان
أحمر بلون قلوب شعبها.. أبيض بجمال طيبه أهلها.. أسود ده ليل سماها والله بحبهااااااااااااا
مصرى ودمى مصرى وبيجرى فى القلوب عربى ووطنى عربى واحنا أجدع شعوب
نيلك ده نيل حضارة يشهد ليه الزمان شعبك عنوان بطوله نصر وحب وحنان
أرفع علمك يا مصرى أرفع بكل حماس وأفتخر إنك مصرى وشعارنا أجدع ناس
بلاش نقول عندنا وعندنا ونتكلم وخلاص ليه منخفش على بعض ونراعى ضميرنا بإخلاص
كتير حواديت سمعناها عن مصر وعرفناها وكتير ناس فى خير البلد عايشين وعشان شوية مشاكل نصوت ونقول يا بلدى مهاجرين
ونرجع فى الغربة نقول ااااااااااااه يا غربة ويا عينى علينا مساكين
بلدك خيرها كتير اتعب اعرق وحبها هتعيش مرتاح الضمير
ومهما قلت عن مصر وبطولاتها عايز قواميس أما اللى مش عارف قيمه بلده عفوا هتعيش فيها زى الجواميس أو تخونها وتبقى فى سجل الجواسيس
متقولش مش عارف أعيش حقق حلمك وهدفك وشوف أجدادك فى زمن الطرابيش حققوا المستحيل من سعد زغلول ومصطفى كامل انسى هموم بلدك وافتخر بى بلدك وصدقنى مش بجامل
مهما أقول واعيد من كلام حبى لبلدى أعظم من أى كلام يالا نحب بلدنا ونحقق الأحلام
مصر فوق الجميع وهو ده الكلام.