فيسبوك
واتساب
طبعاً كلنا عارفين لغة الشباب إللى مليانة بالمصطلحات الغريبة.. (روش طحن) و(مُزة) وخد بالك دى بيقولوها للمؤنث، أما بقى للمذكر فبيقولوا (مُز)......وحاجات تانية كتير.
بس مش هى دى المشكلة، دى المشكلة الأكبر إن البنات احترفت الكلمات والعبارات الغريبة دى، إلا من رحم ربى.
أكيد لما بنت (روشة) تقرأ الكلام ده هتزعل أوى، بس إللى يزعل بجد لما البنت اللى المفروض تتحلى بالحياء والخجل نشوفها بتقول مثلاً (لصاحبها) زى ما بيسموه يعنى (باى يا مُز) !!!!!
هل من المفروض إن البنت علشان تكون (كووول) وشبابية تقول لفظ زى ده؟؟؟ طيب الولد لما بيقول كده، بنقول أهو ولد، سواء قال كده ولا كده مفيش حد هيقوله إنت بتقول إيه.
لكن البنت إللى المفروض ربنا، سبحانه وتعالى، سماها "أنثى" تقول الفاظ زى كده إزاى؟
ياريت مفيش حد يزعل من كلامى..إحنا عايزين يكون حوارنا أرقى، يكون راقيا بألفاظنا المحترمة وتصرفاتنا وتفكيرنا.
وأحلى ختام لكلامى هو قول الله تعالى: "مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ". سورة ق
