فيسبوك
واتساب
لأجلك أنت ولا أنا
ده مش مهم
لكن الأهم
إنك تقول ياريت
وتمشى جنب الحيط
وتحمد ربنا
إنك اتغديت
يبأه ليه العشا
دى حكومة
من غير خشا
شوف الشعار
ده حلو نار
شعار جميل مرسوم
راجل شايل هموم
ضحكوا عليه وقالوله
عشانك اترسم
راح ابتسم
وما بين معارض وضارب
بالحكومة المثل
مابين ميسور وفقير
الهم فيا اتحسر
وما بين اللوم والنوم
يدوب حرفين
ولا عاد لى تانى حكم
واللى اتوهم
واللى انكسر
من كتر إيمانه
بحكومة ونظام
ووعود وكلام
الله يعينه
ده راح معاه الأمل
الصبر طبيبه
والهم ها يعيده
لو ف مرة حلم
الأمن ها يجيله
فى نومه ها يزيده
يا ناس ضرب وألم
