جواز عتريس من فؤادة باطل
واللى سرق الفرحة منك يا بلدنا يبقى قاتل
غصب عنك يا فؤادة جوزوكى
جوه أوضة جرجروكى
توب ملطخ لبسوكى
هتكوا عرضك
فجأة منه بقيتى حامل
افتروا بجبروت عليها
زوروا أمضة إيديها
قيدوا كفين إيديها
جربوا كل الوسايل
نشفوا الدم فى عروقها
جففوا الميه فى ريقها
اجهضوا الحلم فى طريقها
موتوا الأمل اللى فاضل
وأنت يا عتريس كفاية
قربت آخر الحكاية
كل ظالم له نهاية
مهما فى القصة تماطل
جواز عتريس من فؤادة باطل
عروسة صورة أرشيفية
مشاركة
اضف تعليقاً واقرأ تعليقات القراء
مشاركة
