زمان وإحنا عيال صغيرين كان بيجى أبويا يلمنا ونقعد قصاده ويقولنا.. ويشرح لنا يعنى إيه كلمة مبادئ ويعنى إيه معنى الاحترام، ويعنى إيه اسكت واستمع لحد ما يطلب منى الكلام علمنا يعنى إيه نضحى.. ونخاطر وإن جه الموت نموت مخفش من المخاطر.. دا العمر واحد وهاينقضى.. وكده ولا كده هانموت بس نموت بشرف نموت لهدف.
وعلمنا إزاى يكون لينا رأى وتكون لينا كلمة ويكون عندنا منهج وأفكار.. هوه الإنسان إيه غير حبة أفكار.. وعلمنا إن السياسة لعبة كراسى متحركة كل واحد وليه دوافعه اللى عايز شهرة واللى عايز سلطة.. واللى عايز الحصانة بس علشان الألاعيب والأونطة.. وإنما الناس اللى عايزة تخدم دول يا ابنى مبقوش كتير دول بقو على صوابع الأيد ينعدوا عد.. جزء منهم بقى فى السجون وجزء تالت زى أنا على المعاش مركون.
وعلمنا كمان يعنى إيه كلمة شرف ويعنى إيه كلمة كرامة.. ويعنى إيه كلمة عدالة.. بس استحالة يكون فى بينا عدالة مادام مات فينا الشرف والكرامة.
وعلمنا إزاى نناضل ونكون ثوار
وإزاى نكون أيد واحدة فى مواجهة التيار
محتاجين كلنا نكون أيد واحدة نقول للظلم
لا للغش لا للمحسوبية والرشاوى المدارية لا وألف لا، لازم نفوق من وهمنا ونصحى كفايانا نوم.. الناس طلعت القمر وإحنا لسه فى المصارف والترع بنعوم كفايانا نوم.
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة