بعيشه وأرض وإنت وسط الجوع والبرد
تقدر تمشى عينك شايفه الطول والعرض
تعرف حتى قيمة العِرض
تعرف تحلم
تقدر تصرخ كفاياكم ظلم
هل بتصون الخال والعم
ده احنا ماحدش عارف يابا
إن كنا غلابا ولا ديابا
سكوتنا طيابا ولا خيابا
ولا قرود على شجره فى غابه
وتقولى حتحلم
تعرف تحلم
تعرف تنسى تاريخ أمجادك
إوعاك تحكى يا واد لولادك
ماهو عدى وفات
حلمك مات
عِلمك وطنك أرضك عَلمك
بقوا ذكريات
بكره يا صاحبى بتاعك
ع الأرض فتات
حلمك طلعلوا جناحات
وتقولى حنحلم
طب جرب تحلم
غمض يلا واعمل نايم
سيب مركب بكره فى ضعفك عايم
سيب أملك وسط سحاب ذنبك هايم
وأوعى تفوق
طمن إبنك قوله يروق
ده خنق الحلم والله يفوت
لكن الموت
لو مات فى قلبك لأرضك شوق
مشاركة
اضف تعليقاً واقرأ تعليقات القراء
مشاركة
