أشرف محمود يكتب: كنت ناوى

اشهدى يا أم الخير لحالى، تعالى وشوفى إيه اللى جرالى
دى أصعب ليالى تعدى عليه بتجرح وتخدش حيائى اللى بيه..

تعالى وردى ليه اعتبارى دى دنيا غريبة دنيا عجيبة
دنيا بعشها ومليش فيها دار..

وبسمعها غنوة حكاية ونقولها عبرنا انتصرنا وياريتنا ما قلنا..

سعات ببقى بضحك كأنه انتصارى وليلى ونهارى فى عذابى ونارى، وأقول بكره تطلع شمس النهار..

أنا لسه بسمع حكاوى القهاوى أنا كنت بحلم أنا كنت ناوى
أعلم وأكبر وأبنى وأعمر وأشارك بإيدى وكأنه عيدى
وأرجع واصحى وأنا فى انتظار..

تعالوا وشوفوا حكاية العناد ولا البلاد اللى نايمة فى الفساد
حكايه النفوس ولا هى الفلوس ..

غريب يبنى فيها واللى فيها مش لقيها عرفت اللى بيعها وكمان اللى مشتريها..

مهو نفس الكلام عدى زمان اتسرقنا بقالنا سنين بالتمام
ولسه كمان ما انا جى فى الكلام كله يمشى يعدى فى بند السلام ..

وياااا سلام على اللى كله تمام واللى شايف وساكت مقلش حرام
خنقتنى الظروف تحت بند الحروف اقول استغاثه
ولا أعيشها خروف..
خلص كلامى من غير انتفاعه وخلصت سجارة الحشيش معاها
تعالوا وشوفوا حكاية مدينة جميلة وحزينة شبابها بيبكى فى حرقة ومرار.