جدو حكالى عن بنوتة
ف ميلادها اسمعنا الزغرودة
تفرح وتقول توتة يا توتة
حلوة يا جدو ومش ملتوتة
جدو حكالى عن بنوتة
ليها عروسة وفيها حجرين
لما تغنى بلادى بلادى
تهتف وتقول تحيا الصين
فينها عروستى وصنع بلادى
أفرح ييها أهتف وأنادى
ليكى الحب الغالى وفؤادى
وأما أكبر أهديها لأولادى
وأحكى لهم أجمل حدوتة
جدو حكالى عن بنوتة
تصحى وتفطر بعد النوم
وتكمل بنشاطها اليوم
طفلة بريئة ف وسط هموم
حتى ف أيام شهر الصوم
اصحى يا نايم صح النوم
فين فوانيس أجدادنا اليوم
جدو حكالى ياليلى يا عينى
والنضارة الصينى ف عيونى
بيها الدنيا هاتبقى غيوم
وبستورد حتى التوم
والسرطان ف بلادنا يدوم
نقعد نسهر تحت التوتة
نكتب من تانى الحدوتة
مافيهاش تانى أجمل بنوتة
فيها أيامنا صراخ وأنين
كله تمام وصناعة الصين.
صورة أرشيفية
مشاركة
اضف تعليقاً واقرأ تعليقات القراء
مشاركة
