فيسبوك
واتساب
السُلطة واتجوزت المــــــال * * ولا حد خاف لا الكيل يطفـــح
وبالشفا ومش عايزة جِدال * * حايجَرَّبوا فينــــــــا الأنـقــــح
أصل الوزير رجل الأعـمـــال * * محتاج صوتين علشان ينجح
خِصم وحكم، بيشوط ويصُـد * * من غير خجل يسأل ويرد
ومعاه قلم إن كــــــــان ولا بد * * رصاص بأستيكة بتمســح
الصبح يستجـــــوِب نـفـــــسـه * * وينقى قوانين على نِـفـسه
ولا حد طابق عـــــلى نَـفَـسُـــه * * ولا صوت ولا عين بتبَجَّـح
والضُهر يفقد ويخصـخـص * * وأراضى بالميل تتخـصــص
وإن فاض لنا عجل معصعص * * يـمصمص الديل ف المدبــح
والعصر يرجع لسيجـارُهُ * * ويشب للســـما مُنخـارُه
بالليل مبـادئـه بـيـنـــهارو* * والصُبـح ترجع تتصَّلَّح
يا ناس دا حايجيب وقت إزاى * * ومين حايسمع منَّا الجَاى
وه وبعد الـ "هاى" باى باى * * وقبل ما يـيــجى يِــــرَّوُّح
أكيد وراه شِلة أقـــــزام * * ما بيقولوش غير كُـلُّه تمام
ه وإللى زيُّه إزاى بينام * * وإللى ف رقبته بيتشـــرَّح
ماهوش عشان دخل إضافى * * أ وجوز أرانب خـَـفَّـافــى
ما فاضلشى غير لحم كتافى * * دول صحتين وإياك يربح
لازمتها إيه المِــــدادِيَّــــة * * أصل الرعية، النـــاس دِيَّـة
غلابة، لأ، مالهاش دِيَّـــة * * م الجوع ماتقدرشى تِـفَـتَّـح
اعمل لى فيهم ما بدالك * * مادمت من وَسَـع إدالــــــك
مايعرفوش حد بِدالــــك * * والداهية لا تكون الأصلح
لخدمتك بتجنـــــدهم * * وبكلمتك بتـسَّـجِــــدهم
وآخر اليوم تجلدهم * * والأعمى بيجُر مكسح
عشان يروح يدِّيـك صوته * * ويمضى ويأجل موتـــه
أصل الوزير الكوت وموتو* * دبح له عجلين واتبحبح
يكونشى من قلة ألقــــــــاب * * ويبقى باشا معالى جناب
ما تفتحوش، لأ فُكُّوا الباب * * سعادته هالل عالمـطــرح
الرزق يهوى الخِـفِّـيــــة * * والقُبة حسنة ومخـفـيـة
تِـنساش تِـفُـك الحنـفـــية * * خَللى إللى بعدك يتســوَّح
وتقول سيبوه ينشف زيته * * وما يلاقـيـش إللى يـغـيـتـه
وم العرق يخــــرب بـيـتـه * * كأنه كان زيـــــر بـيـرشــح
وف كل دَورة إنت الشغـال * * ملموم عليك شُبــان وعـيــال
ياما عليـك تــــورد أجيـــال * * وإنت إللى مانتاش متزحـزح
وف الدعـايـا اكتــب بقَّــــال * * سباك وترزى حريم ورجـال
نائب - وزير- ورجل أعمال * * يستجرى واحد يتـــرشـــــــح؟
صورة ارشيفية
