فيسبوك
واتساب
لما اشوفك
يملانى نور
نور ينور لى الزمان.. قبل المكان
أيوه الزمان .. برضه الزمان
ما الزمان برضك يفرح
لما اشوفك
وتبقى ثانية ف قربك أنت
قد ساعة.. قد شهر
قد عام.. قد دهر
لما اشوفك
اسمع العصافير تغنى
والهموم اللى كانت حتة منى
بتمشى عنى
لما اشوفك
نفسى أخدك للسحاب
نحلم سوا ونعيش هناك
حلم بصحيح .. مش سراب
لما اشوفك
يلمع الشوق فى العينين
وقلبى ينبض بالحنين
لأنى شفتك
وأنت غايب عن عيونى.. من سنين
