ضاع القمر يابن عمى إوعى تفضـحــنـى
وبدال ما تحرق فى دمى بكلـــمة رَيَّحْــــى
بلاش تزوِّد فى هَمــــــى وتلوم وتنصحنى
ما هُوَّا راخر كأنه فص ملح وبـــــــاش
هَدِّى المسائل عازِّنُه زهرة الخشـخــاش
وياما أقمار ف سِنه تاهت وما لقينهاش
باقول كلام كله علمى وده اللى نَجَّحــنى
ضاع القمر يابن عمــــى إوعى تفضحنى
ماتقولشى عيب ف التحكم يحكم عليك ظالـم
أو مسمارين منه فـَـكـُّـم والأمر موش سالم
ولا من سبيل التهكم هوِّ البعيــــد عالـــــــــم؟
قول وَعْدْ مكتوب و حَتمى قادر يفـَّــرَّحنــــى
يرجع نضيف مِستحَمى وساعتها تمدحنـــــى
حاطِط فى نفسك وشايل رَغـَّب ولا ترهَّــــب
شجعنى دايما أحــــاول و آديــــــــنا بنجـــــرَّب
وجاى دور المُفاعـل ولمــــــــا حايسَّـــــرب
حاتخترع إيه يا غمى؟ تشنقـنـى تدبَحنـــــى؟
ضاع القمر يابن عمــــى وراه وسَـرَّحنــــــى
يمكن لَقَط له إشارة من جار نَحَـــل وبـــــــــره
وعشان ماهيش أى جارة.. جابت أوام خبــــره
لو كان فى عشرين مغارة.. حاتجيبه من شعره
وتقول دا مجنون ورسمى كان ناوى يلمحنـــــى
فين القمر يابن عمــــى قول وصَـحـصَـحنـــــى
إن كان فى سن المعـاش أو لسة فى الخــــدمــة
بس إضمنولى إنه عاش وأنا باردو ف الخدمة
فى غضون سنين لو ماجاش من غير ولا كدمـة
حاشِّد تُك تُك واسَّمى وارجع لكـــــــم محنـــــى
واروح بشحمى ولحمى والشمس تلفحنـــــــى
وادخل مدار الدياب والجِدى وإديلـــــــه
وأشق كل السحاب وأجيبه من ديـلـــــــه
و نشوفه بعد غياب وأكيد نِغَـنى لـــــــه
يامَّا القمر عالبالب نوَّر قنــاديــلـــــــــــــه
مانا كنت ساكت ياعمى ليه بتفتحنـــــــــــــى
عالقهوة م العصر مرمى والصبر كَسَّحنــــى
ضاع القمر واللا حلمى واللا الغُنى ف لحنى
غاب القمر يابن عمى ياللا روَّحـَّــنــــــــــــى
مشاركة
اضف تعليقاً واقرأ تعليقات القراء
مشاركة
