فيسبوك
واتساب
معوق ماشى وحده حزين
يصرخ لكن صوته دفين
زى عصفور قلبه مكسور
مش قادر يتور
أو حتى يفرد جناحه
مش لاقى براحه
محدش حاسس بيه
حزنه جواه مداريه
طاويه
أشجانه بتكعبل خطاويه
مجروح محبوس الروح
حاسس إنه بجد سجين
غريب
مش لاقى حنان وقلب حبيب
بينزف مش لاقى طبيب
الناس بتسفـِّه أحلامه
بتقلل من شأن كلامه
بتعايره بعاهته وألامه
بيعانى الوحده بكل أنين
معوق بيصرخ
ليه أنا بينكم حقى يضيع
والناس بتبص كأنى وضيع
ليه بتبهدل ليه بتهان؟
ليه تزقونا كاس الحرمان
دا إحنا الرحمة ف كل زمان
ليه بتأذوا شعور إنسان
فين الرحمه وفين الدين؟
أيوا معوق شئ مش ذنبى
قدر المولى وحكمة ربى
سر عظيم جواى متخبى
علشان نعرف مين الساخر
مين متفاخر
ومين العاقل والمجانين
ممكن تصبح أنت مكانى
نفس الحالة زيادة تعانى
وتحس الثانية بعمر سنين
أيوا معوق
مش معناه منقوص القيمة
جواى روح مليانة عزيمة
ليه بنشوف النظرة أليمة؟
يا ما ناس وفاشلة سليمة
يا ما معاق وكان برهان
ناجح صورة وصوت برنين
وعبرة ف كل مجال بارزين
أيوا معوق ليا حقوق
سكن ووظيفة
ولقمة نظيفة
فرصة أثبت فيها ذتى
أعزف لحن نجاح بناياتى
وكلمة حلوة تداوى آهاتى
وتمسح دمع لقلب حزين
صورة أرشيفية
