الحقى..
الأوضة القديمة خالص
اللى زمان ف كتب الأساطير
لمتنا سوا
ملح الحيطان
فيها.. نشع اسمى واسمك..
محال...
محال نتوحد
ف زمن رافض
غنا حلم عشش
ف نن عين بنت بنوت سمرا
كاره عشقى
لمعانى زمن ولى
بعيشه وحدى
أنا وبنت بنوت
ف أوضة قديمة خالص
لمتنا زمان ف كتب الأساطير
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة