وديع العلاوى يكتب: فى قلب مصر

كل ما يجى أكتوبر بأحس إن أنا نسر طاير فى الجو.. حُر فخور مسرور لأنى ابن مصر.. كل ما يجى أكتوبر بأحس إن أنا سوبر فريد ملياش مِثل.. صبرت عبرت قهرت عدوُ مغرور قَطعت فى إيديه الطول.. ودفنت فى عنيه الغول.. وسقيته المُر كل ما يجى أكتوبر بأحس إن أنا سوبر قلبى شجر البلوط شجر الصفصاف والتوت والصنوبر.. كل ما يجى أكتوبر بأحس إن ف قلبى قوه تفوت فى الصخر.. كل ما يجى أكتوبر بأحس إن أنا عُمر إنضاف لعُمر الوطن.. وكان لازم أنسى الحَزَن وأفرح بالنصر وأدور بإديا المكن اللى ركن ونام للعصر.. كان لازم النصر يعلى زى النخل ويروح العصر ويجى العصر ومصر أحلى وأحلى ويعيشوا الأهل فى حضن مصر فى ظل مصر فى قلب مصر.