خليكى يامصر فاكره
أحلى وأجمل نهار
كان يوم زى النهارده
من شهر الانتصار
أكتوبر يوم ماعدا
ابنك وخد بالتار
خليكى يا مصر فاكره
يوم لبينا الندا
ونشيد الله أكبر
سهم ف صدر العدا
شقينا الموج بدراعنا
عدينا ماحد منعنا
ودعنا العار ودعنا
وبقينا صحيح أحرار
خليكى يامصر فاكره
حنا وعبد السلام
شباب بالعمر ضحى
من غير مايقول بكام
اتحدى النار ماهمه
رد جميلك بدمه
عشانك مانتى أمه
وف حضنك كان له دار
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة