خلق زحمه ونخاس لناس
ماسك جرس بيقول
مزاد
مين يشترى
انسان بنى الاهرام
مين يشترى
عزيز على أهله وهان
مين قال اشترى ابدأ وقول حتدفع كام
يا مشترى هنا طفل ذكى
يا مشترى هنا راجل تقى
يا مشترى هنا بنت بحسن
بهى
يلا المزاد تعالوا هنا المزاد
قرب تعالى يا خواجه ده الخلق زاد
قرب ادخل اشترى قبل الحداد
ما احنا بكره نتمحى ويبقى المزاد
ما سرطان وإيدز وفيروسات
هدايا الخواجه فى كل عيد ميلاد
مين قال أشترى حلم شاب من الشباب
حلمه يتبنى فى وسط أهله والصحاب
حلمه مش انه يتغنى
حلمه يقدر يصون كرامته
شرفه يعلى للسحاب
مين قال اشترى أحلام بسيطة فى المزاد
مين قال اشترى بنت جميله للمزاج
زينه فى بيتك تسعدك وتمنها مال
تطبخ وتكنس وتخلى بالها م العيال
مين قال اشترى مين عنده مال
مين قال حرام بيع الشرف
مين شريف داء الترف
يا عم سيبنا نبيع يمكن نلاقى لينا تمن
باعونا خلاص أهلنا ولجهلنا عيبنا الزمن
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة