البدرى يشكو «الدربكة».. وصمت فى حجرة الملابس بسبب الدراجى

مازال الأمل موجودا.. إحنا أقرب للنهائى يا جماعة.. كلمات قالها حسام البدرى وهو فى طريقه لحجرة خلع ملابس فريقه أثناء حواره مع مساعديه علاء ميهوب ومحمد يوسف وأحمد ناجى. البدرى قال لمساعديه أيضا: أى «دربكة» فى منطقة جزائنا معناها هدف؟! ده مش ممكن يا جماعة.. صحيح لعبنا كويس بس ما كانش لازم الجول ده ييجى..

بعد هذا الحوار وصل البدرى لحجرة خلع الملابس فوجد لاعبيه فى حالة وجوم وصمت فبادرهم بقوله: يا جماعة أنسوا الماتش التعويض فى تونس سهل.. وأنتم شفتم الترجى مش بعبع.. بس لازم نخلى بالنا من «الدربكة» -موجها كلامه لأحمد السيد المدافع اللى ترك الدراجى يصل لمرمى الأهلى بسهولة- ياللا يا شباب أنتم طبعا عارفين مواعيد التمرين ولو سمحتم عايزكم تنسوا النتيجة، إحنا رايحين نلعب ماتش تانى من أول وجديد.