فيسبوك
واتساب
اتغيرنا يا ناس واتغيرت طباعنا
غلبنا الخوف وكاسيتنا أطماعنا
عايشين زمان الجاه والرحمه بلا معنى
يا خلق اصحوا يا خلق وحدوه
ده فلان سرق أخته خان أخوه
علان حرق أمه كسر قلب أبوه
نفسى أصرخ بس مين يحس مين حيقول حرام
ده الظلم كرباجه ذل مش محتاج علم وعلام
وندور ونسأل هو إيه الحل
وإحنا هدمنا الرحمة وبنانا الغل
ننادى بر لموج بيخنقنا
وريح المر للغرقة بياخدنا
خسرنا جارنا.. ودارنا علينا مقفول
خرسنا صوتنا وراسنا بالكيف مسطول
ولو ربك سألنا عن حالنا إيه حنقول
ده حق غيرك سرقته بالواسطى
حلم غيرك هدمته بالسلطه
نسينا كلام النبى لا ضرر ولا إضرار
سوقنا و دوسنا نسينا إن الزمن دوار
يلا العنوا الزمن يا ملعونين بالمال
قول اشمعنى أنا ليه ضاق عليا الحال
نفسك تلاقى حل افتكر زمن فاتنا
زمن الأب رب والأم أصل عشاقنا
المصرى صاحب البلد وحكومة خدامنا
يومها حنشوف البلد ..... حته م الجنة
