فيسبوك
واتساب
اللى بيجى يا أهلى علينا
طبعا جــــاهـــل مـابيقــراش
بيقــول فينــا كــلام مش فينـا
علشان يعلــــى ومـا بيعلاش
واللــى بيعمل راسه بــراسنا
علشان صادفت مـره نافسنا
اسم النبى مـن عينه حارسنا
ان كان ولعه مـايحرقناش
هما مــدارس واخـــده السمعه
وأنت يا أهلى لوحدك جــــامعه
ح تجيب صـادق زى أبو لمعه
والموهــــــوب زى البكــــاش
بطل القـــرن يـــــاعقد المـاس
يـــــاللى ملكت قلــــوب الناس
فـــوق 100 قمه ودرع وكاس
حصوه ف عين اللى ماسماش
نـــادى ادارتـــه علـى الفرازه
ومفيش بينهم كــــوز ولا فازه
فــى البطولات بنحب الطـازه
فيــه سنه عــدت ولا جبنـــاش
راجـــع نفسك واعقل يا اصفر
اوعــى تعدى الخط الأحمـــر
إحنا الأفضل إحنا الأكبر
واللــى سبقنــا لسه مــا جـاش
