فيسبوك
واتساب
دَوِب روحه ف قلب الشاى
ورسم صورة لقلب سعيد
فرحان بالدنيا ومش بكاى
يشبه طفل ف يوم العيد
رمى تكشيرته ف وش الدنيا
وشب ل فوق وبصوت عالى
قالها هاتى كمان حرية
واوع تردى تقولى أنا مالى
أصلك مديونة عليكى تسدى
وياما عطيتك واستنيت
زى ما تاخدى زى ما تدى
ومفيش مرة غير ولقيت
ما بين خطاويا ناى مكسور
وسجن كبير حاضن الكون
بين قضبانه بكون محشور
لا أقدر أعيش ولا أقدر أكون
لكن اليوم مش هستحمل
هبنى ل نفسى براح من نور
هقتل عِندك واقدر أكمل
حُر طليق وأعيش مسرور
