بيقولك بنعمل للأحمال تخفيف
عشان زادت بسبب التكييف
طب سيبك وقولى إيه أخبار الرغيف؟
وإيه أخبار الطوابير
والكهربا إللى بتقطع
حرقت أد إيه مواتير؟
والرغيف إللى أشتريته
لقيت فيه مسامير؟
قبل ما تاكله مش كنت بليته
شفت أهو جالك بواسير
طب سيبك من إللى فات
إيه أخبار الغاز؟
سمعت كتير حكايات
وأنه فيه إنجاز
وعملنا رقم تقيل
فى التصدير لإسرائيل
ولما الغاز نقص عندنا
الحكومه بلّمت
وقالت السبب مننا
والدنيا ضلمت
والنور بيقطع على طول فى حتتى
والجزمه إتسرقت من على باب شقتى
طب سيبك من إللى فات
أمتى النور جاى فى حتتنا
شكلى كده مش بايت فى بيتنا
والنور قاطع بقاله يومين
ونفسى أعرف أنا نايم جنب مين
مشاركة
اضف تعليقاً واقرأ تعليقات القراء
مشاركة
