هيثم عبد الشافى يكتب: (خمسين حاجة وتلت ضحكات)

مع إن اتغير فيك
خمسين حاجة
وتلت ضحكات
زى ما انت
لسه ف عز الشتا
تفتح حجرك لليل
لسه تجيك الريح
على خيل
لسه هوا الفجارى
يوشوش مفاصلك
ف كسره جفنك
ويا الوشوش الراحلة
تداري الأيام
يا محفظ تاريخ ميلادك لمراية الحمام
ديه اليوم الرايح
خمسين حاجة وتلت ضحكات
مين فينا على وش موات
مين عشم ف يومين ِبكْر
علمتنى الموت جبان وان يمر
ما يهوب نواحى قلب
الليل امه وابوه
وليف الشقا
واللي الشتا اخوه
زارع ف كفينى
-عود ريحان وصباره بنت يومين-
ف عنين اصغر عياله
يوماتى يابسنى اتناشر فانله نص
يطبق ايدى ع شرخه موس
وعدة حلاقة
نشف لسان المراية
وتاريخ ميلادك
-خمسين حاجه وتلت ضحكات-
مات
مات
مع ان كان بينه وبين القارب
عيش وملح
مات مع انه
كان دايماً
يركب للساعه
حجر مش أصلى.