وطول ما أنت عايش
فى الدنيا ياما تشوف
هاتلا قى واحد صادق
والتانى حجته الظروف
واحد لسانه حر
والتانى يا عينى مكتوف
واحد برىء وطاهر
والتانى لونه مخطوف
واحد للقرش عابد
والتانى قرشه مصروف
واحد مع ربه صادق
والتانى كدبه مكشوف
واحد فى الدنيا زاهد
والتانى عليها ملهوف
واحد فى الحق صاحى
وواحد فى حقه مكسوف
وتطول الضلمة بينا
ويظهر سيف مناضل
طالع من بين ألوف
وطول ما أنت عايش
فى الدنيا يا ما تشوف
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة