راضى على حسين يكتب : خطوة حلوة لما تلغى نظام الكفيل

خطوة حلوة وشىء جميل لمَّا تلغى نظام كفيل
لمَّا ضيفك يبقى آمــن مش مهدد أوذليـــل
أيوا عامل بس حــر لى كرامة فى كل جيل
مش مقيد زى عبــد إمتى يصحى أو يميل
جاى بلادك فيها أزرع أبنى أصنع أو زميل
ليه عرقنا يروح لغيرنا؟ والأجور بخس وقليل
لوقلت عايز فين حقوقى يقوللى امشى هجيب بديل
نفسى أرجع أشوف ولادى بدون موافقة مافيه سبيل
لمَّا أطلب أنهى عقدى يقوللى دا شىء مستحيل
أنت يا ابنى تحت أمرى روح تعالى اغسل وشيل
زى عبد فى قرن أوسط تحت سيده بقيد غليل
لمـَّـا يغضب منى مرَّة يكتب مغادرة أو رحيل
جات كويت عملت مبادرة حق عامل شىء أصيل
بحرين كويت شكرا ً جزيلا ً ياريت جميع يصبح مثيل
يرعى حق الضيف فى غربة ويلغى كل نظام كفيل