وشايف الدنيا جميله
واقف فـ الطابور
لأول مره
وأنا فرحان
بالرغم أنى
جاى قبل المعاد
لقيت كل العباد
سابقين هنا
واقفين هنا
بيهتفو للأمل
اللى أتولد
من سنين عندنا
وطار بعيد عننا
خطفوه الناس الفاهمين
لجل مايبنى ويعلم
وإحنا هنا بنتألم
وبنسلم
لكل صوت
ملوش لسان
لكل صوت
بدون لجام
بنتفرج
وبأيدنا أيه
غير الفرجة
وحبة كلام
فيهم وجع
من الأيام
خلاص خلاص
كانت أيام وراحت
النهارده أنا واقف
مستنى دورى فـ الطابور
لجل ما أوصل للصندوق
وأصرخ بصوتي
للأمل
للعلم
وللنور
اللى خطفوه الشطار
وفضيه صبحم كبار
وسابولنا هنا
حبة خظار
متسممين
ومبعزقين
من شكلهم
قرف الحمار
وزعق ياهو
م الواد وابوه
أنا عقلى طار
حتى المطار
صرخ وثار
الكل طار
الكل طار
وأنا لسه واقف
فـ الطابور
مستنى يجى عليا الدور
واقف وقلبى قايد نار
بحلم بتاج الشرق
يطلع عليه بكره النهار
* شربين دقهلية
مشاركة
اضف تعليقاً واقرأ تعليقات القراء
مشاركة
