غريب الشعراوى يكتب: عشان تراب البلد

عشان تراب البلد خبيت أنا جبينى
وأشيل فى ضهرى الولد والدمعة من عينى
واحمل يا أمى المدد يا مصر وتعيشى
والنار عشان تنخمد ها حرق ملاعينى
أبالسة نار تتولد فالضلمة تغوينى
لكن برب الصمد تحرق شراينى
فكل إبليس مرد وأعيش أنا بدينى
والبس فتوب الجلد بالصبر ضمينى
يا أمى ضهرى انجلد ليه يا أمى تنسينى
ما أنيش كمالة عدد يا مصر خلينى
أبوس تراب العمد عمدان تعلينى
يا مصر إنتى السبب بتزيدى وتزينى
ما بين نجوم العرب النور يغطينى
الشهد منك شراب والنيل غسل طينى
الحقد شافك هرب هربت شياطينى
يا مصر عمرك أبد يا أصل تكوينى
لو كنت تحتك هدد يا مصر ابنينى


نادى الآداب بالقاهرة الجديدة