عـلى قاسم يكتب: يارب

واللهِ اتـعـلـّيـت واســـتكفيت م الوحـدة والقعـدة فى البيت
بقـيت صـفـر وخلاص مـلـّيت
واللى طالـبو رحمـة ربِّـنــــــا عـلل لابدالى ومش سـايبانـى
عـلى سهوة صابتنى ومادريت

ياما اشــتـغـلت وياما شـقـيت مابين الظهـورات والتـثـبـيـت
كتاب يتقـرا عـمرى ما خلـّيت
وادينى مـعـدّى السـتين ســنة وكل حـتـة فـيّــــا بـتـعــــــانى
مـن عـجـزى وعـللى اتذلـّـيت

عن واجبى ف يوم ما اتخليت وذكر ربّى عـمرى مانســـيت
وطـلعـت لفـــوق واتـحـطـّيـت
لأه.. اترميت وضهرى انحنى واللى كـبّـرتو لقـيـتو نسـانى
أنـا اللى مـن كدّى ياما عطيت

كـفـايانى م الدنيــــا اتـبـرّيت وطال بى الزمــن واتـربـّيـت
وف موقـف صـعـب اتحطـّيت
نويت اجيك بـس خـفت الضنا ويـوم ما اتحاسب اتعـب تانى
وابـقى شايب لارُحت ولاجيت

مأمورى بـقى يـؤمـر نـخـيـت ومـن غـلـوّ الدوا اســـتويت
يارب .. ابعـتـلى حلال ممـيت
أنا عــبد فـقـير وانــت الغـِـنــا وامتى يارب يحـــلّ أوانــى
قـلت اســـتـنـّى ادينى استنيت